Nënkryetari i LSI-së Petrit Vasili kërkon largimin nga vendi të ambasadorit të OSBE-së në vendin tonë Bernd Borchard, pas gjestit të pahijshëm që ai bëri mbrëmjen e djeshme.
“Jashte nga Shqiperia Borchard!! Ky alabak, qe guxon dhe u tregon gishtin e mesit shqiptareve. Ky qe qepi gojen per votimet puniste te 30 qershorit. Ky qe mbylli gojen per raportin e OSBE -ODIHR per 30 qershorin. Ky qe paturpesisht ndryshoi fjalen brenda nates per drogen qe mbuloi Shqiperine. Ky qe ne 2008 i beri duart flake kur duatrokiste shkaterrimin e kushtetutes dhe zgjedhjeve. Ky nuk eshte OSBE, ky nuk Europa ky eshte thjesht nje individ i akaparuar. Presim tane qe Edi Rama t’ja marre perqafe gishtin qe ngriti Borchard dhe ti kerkoje atij ndjese, hë jepi Edi ç’pret”, shkruan Vasili në një postim në Facebook.
Mbrëmjen e djeshme, banorë të “Unazës së Re” protestuan te Drejtoria e Policisë së kryeqytetit, kundër arrestimeve që kreu policia fill pas protestës së tyre në zonën e Unazës. Në një moment, pranë disa banorëve kalon Borchard i shoqëruar nga një zonjë. Nga ajo ç’ka është publikuar në media, dëgjohen protestues të thërrasin “Rama ik”. Borchard i përgjigjet duke ngritur gishtin e mesit.
