Ish-deputeti i Partisë Demokratike, Klevis Balliu, në një prononcim për Rtv Ora, tha se ndryshimet në Kodin Penal nuk kanë lidhje me protestat te Unaza e Re.
“Pjesëmarrja në protesta është e drejtë kushtetuese. Sipas ligjit njofton policinë, ne e kemi bërë. Kodi penal që këta gjejnë pretekst për arrestimet është diçka krejt tjetër, nuk ka lidhje me protestat. Në protestë kemi qenë të gjithë, çfarë ndryshimi kanë këta të tre”, tha Balliu.
Ai paralajmëroi se nëse gjyqtarët vendosin ti lënë në burg tre banorët e Astirit do të përshkallëzojnë qëndrimin e tyre.
Ndërsa Balliu fliste për RTV Ora një protestues që po fliste me megafon u shoqërua nga policia.
“Ishim dëshmitarë, një protestues flet me zë të lartë dhe e arrestuan si kriminel.Ku ndodh kjo? Nuk është protestues i Unazës, ka hallin e vetë. Edi Rama po tregon se është biri i të atit të ndyrë”, tha ai.
