Reja: Dua të vazhdoj të drejtojë Shqipërinë, por të ardhmen time e vendos Duka

Para ndeshjes me Moldavinë, e vlefshme për kualifikueset e Euro 2020, por tashmë pa një motiv sportiv pas humbjes me Turqinë, trajneri i kombëtares shqiptare të futbollit, Edy Reja, ka folur para gazetarëve.

Mes të tjerave, ai ka theksuar se për të ardhmen e tij gjërat i ka në dorë Presidenti Duka dhe se nuk ka asnjë peng për mënyrën se si luajtën kuqezinjtë ndaj turqve.

“Atë natë mendoj se ishim pak nervozë për rezultatin dhe jo për lojën. Pavarësisht humbjes, mos mendoni se futbolli ynë mbaroi në Turqi. Rezultatet do të vijnë, sepse po rritemi në cilësi dhe lojë. Formacioni? Nuk kam kohë për ndryshime. Nuk e kam në mendje këtë, të paktën jo shumë”, – deklaroi tekniku.

LEXO EDHE  PSG peshkon te Juventusi, nis kontaktet me mesfushorin bardhezi

“Me Moldavinë duhet të futemi me të njëjtën vendosmëri si ndaj Turqisë. E dimë se atje nuk është e lehtë. Ne futemi në fushë për të fituar. E ardhmja? Dua të vazhdoj, por nuk varet vetëm prej meje. Nëse Duka është i gatshëm për të vazhduar, unë do të doja, pasi kam marrë sinjale pozitive nga skuadra. Le të shohim në fund”, – shtoi Reja.