Nga “Unaza e re” në kryeqytet, protesta e banorëve të kësaj zone është zhvendosur para Drejtorisë së Policisë së Tiranës, për të kërkuar lirimin e personave të shoqëruar fill p protestës te “Unaza”.
Një protestuese tha se ambasadori i OSBE-së në vendin tonë, bëri një gjest të pahijshëm ndaj tyre.
“Borchard kaloi këtu dhe na ngriti gishtin e mesit. Ishte i shoqëruar me një zonjë. Ti vijë turp një ambasador një përfaqësues i BE të na bëjë një gjest ë tillë. Çfarë presim ne nga Rama kur ambasadori bën një gjest të tillë”, tha ajo në një prononcim për mediat.
Një tjetër banor tha se ”policia po bën reprezalje” për arrestimet dhe shoqërimet që po kryen ndaj banorëve të “Unazës së Re”.
Për mediat, foli edhe ish-deputeti demokrat Ervin Salianji i cili u shpreh se protesta ishte e ligjshme dhe se policia po vepron brutalisht.
“Policia ka vepruar në mënyrë brutale, duke tentuar që të imponohet një regjim policor. Protesta do të vazhdojë dhe ne do të jemi në mbështetje të tyre. Ne dimë se janë shoqëruar 6 persona bashkë me Klevis Balliun. Ne do të mbështesim banorët në këtë protestë dhe sigurisht që duam lirimin sa më të shpejtë të protestuesve”, tha ai.
Ndërhyrja e Policisë, protesta e “Unazës” zhvendoset te Drejtoria e Tiranës
