Përditësuar/ Pas rreth 1 ore, është mbyllur protesta te “Unaza e Re” në kryeqytet. Ish-deputeti i PD-së Klevis Balliu paralajmëroi se do të ketë protesta të vazhdueshme deri në “largimin e së keqes”, duke iu referuar kryeministrit Edi Rama dhe qeverisë së tij.
***
Basha: Nuk janë të jashtëligjshëm protestat, por Rama me Karlo Bolinon dhe mediat e pushtetit
***
Basha: Europa i dha të drejtë opozitës, nuk e ndalim betejën deri në largimin përfundimtar të së keqes
***
Basha: Shqipëria ku protestuesit arrestohen dhe kriminelët janë të lirë nuk e meriton Europën
***
Tensione te protesta te “Unaza”, policia përplaset me banorët
Tensione në protestën e sotme te Unaza e Re. Ka pasur për disa çaste një përplasje fizike mes protestuesve dhe efektivët e policisë që kanë vendosur një kordon në zonë.
***
Nis protesta te “Unaza”
Nis protesta te “Unaza e re”. Kryeopozitari Lulzim Basha dhe ish-deputetë të opozitës, i janë bashkuar protestës.
Nga mikrofoni i protestës, banorët kanë hedhur akuza ndaj kryeministrit Edi Rama dhe kryebashkiakut të Tiranës Erion Veliaj.
Protesta ka sjellë edhe bllokim të qarkullimit.
***
FOTO/ Blindohet “Unaza” para protestës, çfarë po ndodh
Forca te shumta policore janë vendosur në zonën e “Unazës së Re” në kryeqytet, teksa pritet të nisë protesta e kësaj të diele.
Partia Demokratike, që mbështet kauzën e banorëve, e ka quajtur të pajustifikueshme parinë e shtuar të policisë në zonë. “Forca të shumta policore kundër banoreve tek Unaza e Re, megjithëse këta banorë (shumica gra dhe fëmije) kanë protestuar paqësisht. Prania e pothuaj gjithë policisë së Tiranës dhe forcave speciale në një protestë qytetare është absolutisht e pajustifikueshme”, thuhet në një reagim të zyrës së shtypit pranë PD-së.
Më herët gjatë kësaj të diele, gjyqtari i gjykatës së Tiranës, Arben Micko, me kërkesë të prokurorit Bledar Maksuti, la nën masën e “arrestit me burg” tre protestuesve të “Unazës së Re”, të arrestuar më herët gjatë javës.
Opozita e quajti vendimin politik dhe paralajmëroi se do të zbriste pasdite në zonën e “Unazës” për të mbështetur banorët. Këta të fundit protestojnë prej më shumë se një vit, duke kundërshtuar projektin e rikonstruktimit të rrugës nga sheshi “Shqiponja” te mbikalimi pranë “pallatit me shigjeta”, që parashikon shembjen e banesave të tyre. Për banorët dhe opozitën, projekti është korruptiv dhe i fryrë financiarisht.
