U luajtën pasditen e sotme, të tjera ndeshje të vlefshme për eliminatoret e Kampionatit Europian 2020. Holanda ka vazhduar e sigurt rrugën drejt Euro 2020. “Tulipanët” ka marrë pikët e plota në transfertë kundër Bjellorusi-së, të cilën e ka mposhtur me rezultatin 1-2.
Golat për Holandën i realizoi mesfushori i Liverpoolit, Georginio Wijnaldum, në minutat 32’ dhe 41’.
Në fund, Holanda merr 3 pikë dhe ngjitet në vendin e parë me 15 pikë, 3 më shumë se Gjermania që luan në mbrëmje ndeshjen e saj ndaj Estonisë.
Në takimet e tjera bie në sy fitorja e Rusisë me rezultatin e thellë 5-0 ndaj Qipros. Një rezultat të thellë, shënoi edhe Skocia, që mposhti 6-0 në shtëpi San Marinon. Gjithashtu, Hungaria fitoi minimalisht 1-0 ndaj Azerbajxhanit.
