Sot hungarezët i janë drejtuar kutive të votimit për të zgjedhur kryebashkiakët. Vëmendja kryesore është përqëndruar në Budapest, aty ku opozita e majtë, është bashkuar për të fituar kryeqytetin që qeveriset prej 2010 nga Istvan Tarlo i mbështetur nga Fidesz, partia e Kryeministrit Viktor Orban.
Përballë tij garon kandidati i opozitës së bashkuar Gergely Karácsony dhe i pavaruri Robert Puzser.
Sondazhet, qofshin atyre pranë FIDESZ ashtu edhe pranë të majtëve tregojnë se Tarlo është në avantazh.
István Tarlós, kryetari aktual i Bashkisë së Budapestit dhe kandidati i partive në pushtet, pasi votoi, tha për mediat se zgjedhjet do të vendosnin “nëse qyteti qëndron në duar të sigurta ose kalon në një kaos”.
Ndërsa, kandidati i opozitës së bashkuar, Gergely Karácsony, tha se në 9 vjet “qytetarët gradualisht kanë humbur kontrollin e tyre” në qytet sepse udhëheqja komunale nuk arriti t’i rezistojë “politikave të frenuese të qeverisë ndaj pushtetit lokal”. Ai këmbënguli se qeveria kishte “rrëmbyer” fonde, shkolla dhe spitale.
“Nëse opozita fiton zgjedhjet në Budapest, ne do t’ua kthejmë qytetin pronarëve të saj të vërtetë, qytetarëve vendas”, tha Karácsony.
Instituti Nézőpont zbuloi se 49% e votuesve janë të vendosur të mbështesin István Tarlós, 43% mbështesin kandidatin e përbashkët të opozitës, Karácsony dhe 8% për kandidatin e pavarur Róbert Puzsér.
Në sondazhin e realizuar gjatë fundjavës, Nézőpont parashikoi 53% për Tarlós, 40% për Karácsony dhe 7% për Puzsér.
Midis të gjithë votuesve të Budapestit, ky hendek ishte edhe më e madhe (Tarlós 49%, Karácsony 29% dhe Puzsér 7%).
Anketuesi tjetër pro Fidesz, Századvég thotë se Tarló gëzon mbështetjen e 49% të votuesve, ndërsa Gergely Karácsony mbështetet nga 44%. Kandidati i pavarur Róbert Puzsér mbështetet nga 6%.
Századvég beson se Tarlós vazhdon të jetë më i preferuari për të fituar zgjedhjet për kryetar të së dielës, megjithëse mobilizimi i votuesve do të jetë kyç.
Të gjitha sondazhet e tjera, të pavarur ose me lidhje të majta / liberale, pajtohen që Karácsony ndodhet në kufirin e gabimit, prandaj parashikojnë një betejë të ashpër dhe rezultate të ngushta të Dielën.
“ZRI-Závecz” të lidhur me MSZP parashikojnë 48% për Tarlós, 45-46% për Karácsony dhe 6% për Puzsér.
Liberalët e ‘Medián’ e vendosin Tarlos në 48%, Karácsony në 47% dhe Puzsér me 5%.
Për më tepër, sipas të majtës Publicus, Tarlós dhe Karácsony ndodhen në kufirin e 48% secili, ndërsa Puzsér qëndron në 4%.
Të pesë institutet pajtohen që kandidati i katërt, Krisztián Berki do të merrte midis 0-1%.
