Nënkryetari i LSI-së, Petrit Vasili, akuzoi Edi Ramën, si bllokuesin e rrugës europiane të Shqipërisë. Vasili tha se me Edi Ramën në krye të qeverisë axhenda europiane e shqiptarëve është e minuar.
“Ccdo ditë që Edi Rama qëndron në qeverisje është një problem i madh për rrugën tonë të integrimit europian.
Axhenda e Edi Ramës është drejt Beogradit, jo BE.
Europa ka vite që i mban dyert e hapura Shqipërisë dhe shqiptarëve, ndërsa Edi Rama deklaron se nuk ka kohë të prerë Europën.
Edi Rama është fajtori i vetëm që po i mbyll dyert Shqipërisë dhe shqiptarëve”, tha Vasili.
Sipas tij, ishte Edi Rama që bllokoi rrugën europiane të Shqipërisë me zgjedhjen e kreut të Këshillit të Qarkut të Fierit, duke mos votuar 3 ligjet, ndërsa në 6 vitet e tij të qeverisjes kanabizoi vendin, përfshiu krimin në politikë dhe Parlament.