Të largojmë me çdo mjet Edi Ramën, që s’paska kohë të presë BE-në! E kam thënë publikisht shumë herë që axhenda e zezë e Edi Ramës është kundër Evropës dhe integrimit europian.
Ky është apeli i ish-deputetit të LSI-së Petrit Vasili, sipas të cilit Edi Rama i shërben konfliktit, shpopullimit dhe shpërbërjes së Shqipërisë për t’i mbyllur asaj dyert e Evropës dhe zhvillimit e demokratizimit të saj.
Nga Petrit Vasili
Të largojmë me çdo mjet Edi Ramën, që s’paska kohë të presë BE-në! E kam thënë publikisht shumë herë që axhenda e zezë e Edi Ramës është kundër Evropës dhe integrimit europian.
Tanimë kjo është tepër e qartë. Edi Rama i shërben konfliktit, shpopullimit dhe shpërbërjes së Shqipërisë për t’i mbyllur asaj dyert e Evropës dhe zhvillimit e demokratizimit te saj. Lexojeni deklaratën e poshtër të tij në Beograd.
Një deklaratë antishqiptare, anti-Kosovë dhe anti çdo vlere madhore, që shqiptarët an e kënd Ballkanit dhe botës, kanë ndërtuar. I çmenduri politik deklaroi në Beograd se “s’ka ndryshim axhende në raport me partnerët ndërkombëtarë, por ka një ndryshim formati që është i ndërtuar mes nesh, pa pritur që Bashkimi Evropian të ketë kohë të merret me ne. Le ta themi siç është realiteti, ne nuk jemi prioriteti i BE-së, prioriteti i tyre është procesi ku kanë hyrë për të reformuar veten. Ne nuk mund të presim të bëhemi prioriteti i BE-së”.
Pas kësaj deklarate, çdo veprim ndaj Edi Ramës dhe bagëtisë së tij të Rilindjes është legjitim. Ky individ i zi që bënte sikur iu shqye zemra për Evropën, e nxori fytyrën e vërtetë anti-integrim.
Bllokimi i Shqipërisë në rrugën e integrimit ka vetëm një renegat, një shkak, një pengesë dhe një fajtor: ai është Edi Rama. Shikojeni videon ku dy vjet më parë, në mes të Brukselit, ky i çmendur i bënte karshillëk Evropës me strategjinë e ligë për të na mbajtur jashtë saj.
