Gazetari dhe aktivisti i shoqërisë civile, Aulon Kalaja, ka reaguar lidhur me ndryshimet në Kodin Penal, sipas të cilave kush bllokon rrugët dënohet me 3 vjet burg.
Kalaja shprehet se ky është një sanksion joproporcional me veprën penale, duke shtuar se është një tentativë për të mbytur reagimin qytetar dhe për të vrarë protestat.
“Nëse do kishte Gjykatë Kushtetuese do të ishte lënda e parë për të. Por Edi Rama këtë ka shfrytëzuar dhe po shfrytëzon, mungesën e gjykatës”, shprehet Kalaja.
Reagimi i gazetarit Aulon Kalaja
Ligji “3 vjet burg kush bllokon rrugët” nuk është një sanksion proporcional me vepren penale.
Është një tentativë për të mbytur reagimin qytetar dhe për të vrarë protestat.
Nëse do kishte Gjykatë Kushtetuese do të ishte lënda e parë për të. Por Edi Rama këtë ka shfrytëzuar dhe po shfrytëzon, mungesën e gjykatës.
Kryeministri aktual do të mbahet mend si njeriu që qeverisi pa gjykata. Bëri ç’deshi me këtë vend e me këtë popull. Pasi ka kapur çdo pushtet të mundshëm dhe çdo qelizë të lirë, tani futemi në fazën e fundit të ndalimit të protestave.
