Një 43-vjeçar u arrestua nga policia me akuzën e ushtrimit të dhunës psikologjike dhe fizike ndaj ish-bashkëshortes dhe djalit të mitur.
Specialistët për Hetimin e Krimit në Komisariatin e Policisë Bulqizë arrestuan në flagrancë shtetasin I. M, 43 vjeç, banues në Bulqizë.
Arrestimi i tij u bë pasi në banesë, në mënyrë të vazhdueshme e në gjendje të dehur ka ushtruar dhunë psikologjike dhe fizike ndaj ish-bashkëshortes dhe djalit të tij të mitur.
Materialet procedurale do t’i referohen Prokurorisë së Rrethit Gjyqësor Dibër për veprime të mëtejshme.