138 gjarpërinj të racës së mbrojtur Piton, janë sekuestruar nga autoritetet financiare italiane të qytetit të Ankonës. Ata ishin të madhësive e ngjyrave të ndryshme dhe po transportoheshin në mënyrë të paligjshme nga Greqia drejt Italisë.
Vlera e shitjes së tyre do të sillte një përfitim prej 35 mijë euro.
Gjarpërinjtë u sekuestruan në një automjet që udhëtonte me tragetin e linjës nga Greqia në Itali e pa dokumentacionin e duhur ligjor.
138 gjarpërinjtë e sekuestruar do të ekzpozoheshin për t’u shitur në panairin “Verona Reptiles” .
Sipas autoriteteve italiane kjo racë zbarranikësh është e mbrojtur nga Konveta Washingtonit pasi është një racë në rrezik zhdukje.
Të pashoqëruar me dokumentacioni e nevojshëm bën që personat që i transportojnë të rrezikojnë deri në 6 muaj burg ose një gjobë prej 20 000 deri në 200 mijë euro.
138 gjarpërinjtë pitonë të sekuestruar u janë besuar një strukture të specializuar në rajonin e Umbrias.
