Partia Demokratike po përgatitet për zgjedhje të parakohshme, ndërsa kriza politike në vend është thelluar.
Përmes një urdhëzimi që i është shpërndarë degëve të PD-së kërkohet organizimi i strukturave dhe evidentimi i votuesve, sipas qendrave të votimit, që mbështesin këtë parti.
Të identifikohen votuesit tradicionalë të PD-së për çdo qendër votimi. Është kjo një nga pikat e udhëzimit që i është shpërndarë degëve të Partisë Demokratike në kuadër të një procesi riorganizimi që duhet të përfundojë brenda 31 tetorit. Në udhëzim përcaktohet se puna në terren do të ndiqet hap pas hapi nga koordinatorët, mandati i të cilëve është shtyrë deri në fund të muajit.
Në udhëzim gjithashtu kërkohet evidentimi i votuesve që nuk janë anëtarë partie, por që konsiderohen si mbështetës të forcës më të madhe opozitare.
Udhëzimi kërkon nga strukturat të përgatiten për një proces të parakohshëm zgjedhor.
Përmes tij, kërkohet që degët e PD të evidentojnë votuesit demokratë që janë larguar jashtë vendit, si dhe i kërkohet strukturave të FRPD dhe Lidhjes së Gruas Demokratike që të angazhohen në procesin e organizimin dhe strukturimit të partisë.
Udhëzimi kërkon informacione të detajuara mbi numrin e të rinjve dhe të rejave që janë votues për herë të parë në 2019, ndërsa kërkon që të paktën 30 % e anëtarësimeve të reja në parti të jenë gra.
UDHEZIMI
Aneksi 1 – Sqarim që i shpërndahet strukturave të Partisë
Situata ne te cilen ndodhemi ben urgjente nevojen e verifikimit te listes elektorale ne territorin e QV qe ju mbuloni. Gjithashtu po kaq e rendesishme është edhe procesi i anetarsimeve te reja. Per permbushjen e detyrave te sipercituara eshte e nevojshme qe:
o Kryetari i Grupseksionit, në bashkëpunim me Kryetarët dhe Sekretarët e Seksioneve, verifikojnë listat e zgjedhësve, kryejnë identifikimin e votuesve në terren duke i përcaktuar adresën, si dhe:
• identifikojnë për cdo QV votuesit tradicional të sigurt të Partisë Demokratike.
• identifikojnë nëse votuesit tradicional të sigurt të Partisë Demokratike vazhdojnë apo jo të jenë në territorin që mbulon QV. Nëse nuk janë më banor të asaj QV, identifikohet zona ku kanë lëvizur brenda territorit të Degës (përcaktohet QV që e mbulon territorin), brenda territorit të Shqipërisë (përcaktohet qyteti apo fshati përkatës), apo nëse kanë emigruar jashtë Shqipërisë (nëse dihet shteti apo qyteti specifikohet).
• kontaktojnë votuesit tradicional të sigurt të PD për të garantuar vijimin e mbështetjes për PD.
• regjistrojnë në listën e zgjedhësve votuesit tradicional të sigurt të PD dhe plotësojnë me numrin e telefonit listën vetëm për votuesuesit tradicional të sigurt.
• identifikojnë votuesit tradicional të sigurt të PD që nuk janë anëtar partie.
• rimarrin kontakt me votuesit tradicional të sigurt të PD që nuk janë anëtar për t’i ftuar të angazhohen me përgjegjësinë e anëtarit në strukturat e Partisë Demokratike.
o Është e preferueshme që votuesit që ftohen të marrin përgjegjësitë si anëtar partie të gatshëm për të përmbushur aktivisht përgjegjësitë dhe të drejtat e anëtarit, vecanërisht të jetë aktiv në veprimtarinë politike dhe elektorale të PDSH-së, si dhe të ndjekë jetën e brendshme organizative të saj;
o Në këtë proces do të përfshihet Lidhja Demokratike e Gruas, nëpërmjet strukturave të saj në Degë dhe nivel grupseksioni, me synimin që jo më pak se 30 % e anëtarëve të rinjë të jenë femra. Procesi i angazhimit të Lidhjes Demokratike të Gruas, monitorohet nga Kryetarja e LDG në PDSH.
o Forumi Rinor i Partisë Demokratike, nëpërmjet Kryetarëve të Degëve dhe Kryetarëve të FRPD në cdo grupseksion, identifikon të rinjtë e moshës 15 – 25 vjeç, me fokus të vecantë të rinjtë që fitojne te drejten per te votuar brenda 2019 dhe që mund të jenë votues për herë të parë ne vazhdim dhe i fton të angazhohen me përgjegjësi si anëtar të FRPD-së dhe/ose PD.
o Në periudhën 1 – 15 Tetor 2019, puna të fokusohet tek identifikimi i votuesit tradicional të sigurt të PD, që kanë dëshirë dhe pranojnë të angazhohen me përgjegjësinë e anëtarit në strukturat e Partisë Demokratike.
o I gjithë procesi i përcaktuar duhet të përfundojë brenda datës 31 Tetor 2019
Në Regjistrin Bazë të Anëtarësisë në format elektronik dhe shkresor në PDSH nuk regjistrohet asnjë anëtar i ri, që nuk ka dorëzuar dhe plotësuar në Sekretariatin Organizativ të PDSH Formularin e Aplikimit për Anëtar.