Një tjetër ngjarje e rëndë është parandaluar nga policia. Një 40 vjeçar me iniciale N.K, është arrestuar gjatë ditës së sotme në flagrancë pasi ka kërcënuar me armë zjarri një tjetër shtetas me inicialet G.H.
I arrestuari rezulton të jetë person me precedentë penalë ndërkohë që pas kontrollit të bërë në shtëpinë e tij janë gjetur edhe fishekë dhe një radio policie.
Shërbimet e Komisariatit të Policisë Nr. 2 arrestuan në flagrancë, për veprat penale “Kanosja” dhe “Mbajtja pa leje e municionit luftarak”, shtetasin N. K., 40 vjeç, banues në Tiranë (me precedentë të mëparshëm penal).
Ky shtetas dyshohet se ka kanosur me pistoletë shtetasin G. H.
Gjatë kontrollit të ushtruar në banesën e këtij shtetasi, Policia gjeti dhe sekuestroi në cilësinë e provës materiale disa fishekë luftarakë, shtatë fishekë zhurmues dhe një radio si ato të policisë.
Materialet iu referuan për veprime të mëtejshme Prokurorisë së Rrethit Gjyqësor Tiranë.
