I ftuar në studion e NEWS 24 nënkryetari i LSI-së Petrit Vasili e ka konsideruar Edi Ramën njeriun i cili po punon kundër vullnetit të Shqipërisë pë t’u bërë pjesë e Bashkimit Evropian.
Sipas Vasilit, Rama po punon kundër integrimit dhe kjo tha ai shihet në çdo aspekt.
Deklarata
Duhet ta ndajmë shumë qartë këtë çështje. Europianët kanë kuptuar shumë mirë që kjo qeveri për fat të keq ka një axhendë anti integrim. Sot falë medias tuaj dhe disa mediave të tjera, ju përcollët një konferencë shtypi time ku unë bëra publik jo më larg një qëndrim të Edi Ramës 24 orë më përpara, ku ai thotë nuk kemi kohë më të presim Europën. Besoj se qeshin kameramanët tuaj, kush është ky që nuk paska kohë të presë Europën, kush është ky. Kush është ky, Rusia një vend me 20 milion kilometra katrorë, kush është ky që nuk paska kohë të presë Europën. Europa ka 30 vjet që na pret ne, se kjo Europë duke pasur dashamirësi na miratoi ne statusin e vendit kandidat, besoj sikurse ju dhe unë kemi nga një pasaportë në xhep falë së cilës lëvizim në gjithë Europën, falë dashamirësisë evropiane, Pra gjithmonë dyert e hapura. Kur ty të venë 5 kushte dhe ti e kthen Shqipërinë, e merr një Shqipëri me probleme me ato probleme të cilat mund të ecte përpara falë të cilave kishe marrë liberalizimin dhe e kthen në Kolumbi të Europës, ta ka fajin skeptikët e Europës apo s’bën asgjë ti. Ty të thonë bravo të bësh një reformë në drejtësi , ti në vend se të ndërtosh ashtu siç kushtetuta thotë, ti e le vendin pa gjykata, e le vendin pa SPAK, pa BKH. Kemi parë sesi krimin zgjedhor ta kërkojnë të tjerët i kemi dëgjuar me zë e figurë, unë i kam dëgjuar tek ju në median tuaj edhe ti ndërton një antishtet, shndërron shtetin e së drejtës. Pronat sot ju e dini se nuk pati kohë sot sepse ishte çështja e Presidentit por një shuplakë të tmerrshme mori nga Venecia për punën e pronave sot. Pra dhunon pronën, ngre korporata për të rrëmbyer pronën e qytetarëve, ku unë dhe ju jemi të pasigurtë se mund të vijë të na rrëmbehet prona jonë, mund të ndahemi nga emisioni, mund të niseni ju për në punë dhe të kthehemi në një pronë që ja rrëmben dikush me emrin e shtetit. Pra, kjo pasiguri e jashtëzakonshme ka bërë që dhe qytetarë të shumtë me të ardhura korrekte dhe normale lenë Shqipërinë, e lenë Shqipërinë njerëz që kanë të ardhura.
