Nga Rezearta Çaushaj
Në 2015 do të shkoja në Vjenë me autobus nëpërmjet Kosovës, rrugë që kalonte nga Serbia.
Më zbritën në mes të natës në kufirin serb.
Nuk mund të kaloja.
Duhet të shkoja në Mal të Zi ose Maqedoni, të kaloja kufirin sa për të thënë, të merrja vulën malazeze apo maqedonase dhe të rikthehesha për të marrë një tjetër autobus në Prishtinë për në Austri, sipas planit.
U ktheva mbrapsht. Ky Shengeni Ballkanik nuk ofron zgjidhje për këto odise.
Shengeni ballkanik është një flluskë pa ndonjë përfitim shtesë për ne, por me një dëm shumë të madh ndaj Kosovës.
Por, edhe sikur përfitimet ekonomike të ishin të mëdhaja, ne do të duhet ta refuzonim vetëm dhe vetëm për dëmin ndaj bashkëkombasve tanë.
Vërtetë jemi dy shtete, por jemi një KOMB.
Mbështetja jonë gjeopolitike për Kosovën duhet të jetë përherë e padiskutueshme.
Kosova është partneri jonë i natyrshëm.