Parashikimi i motit, si ndryshon të enjten/ Reshje shiu dhe shtrëngata në zonat…

Gjatë ditës së enjte, një pjesë e territorit të vendit do të përfshihet nga reshje shiu me intensitet të ulët.

Kthjellimet e orëve të mëngjesit, do të pasohen me shtim të vranësirave në bregdet e veriperëndim të vendit.

Reshjet e shiut, në mesditë e pasdite do të përfshijnë veriperëndimin e gati të gjithë bregdetin me intensitet të ulët.

Përkohësisht në veriperëndim, reshjet do të marrin karakter shtrëngatash me rrufe, bën të ditur Shërbimi Meteorologjik Ushtarak.

LEXO EDHE  U arrestuan për shpërndarje droge, dënohen dy shqiptarë në Angli/ Emrat

Era do të fryjë nga kuadrati i jugut, përkohësisht e vrullshme në bregdet, duke u shoqëruar me një valëzim 3-4 ballë.

Temperaturat parashikohen në:

zonat malore 9ºC deri në 23ºC

zonat e ulëta 13ºC deri në 29ºC

zonat bregdetare 15ºC deri në 27ºC