Nga Boldnews.al
Edhe pse fatkeqësi kombëtare, në këtë situatë duhet injoruar, të lihet i lirë të veprojë, pa e kundërshtuar kush, pa protestuar, e mbi të gjitha ta lësh të qetë për të treguar deri në fund injorancën, budallallëkun, kërcënimin dhe mbi të gjitha bota ta njohë mirë.
Në dy ditë, kreu i qeverisë sonë ka bërë kapërcime të tmerrshme, por më mirë mos e kundërshtoni, por lëreni të flasë, të veprojë pasi fundi i një budallallëku nuk vjen duke e kundërshtuar, por duke e afishuar në veprimet e tij, fundja ta shohë edhe bota, ajo pjesë e botës diplomatike të rangjeve ambadoreske.
Në Parlament, kryeministri Edi Rama sulmoi ashpër prokurorë dhe gjyqtarë të cilët po i arrestojnë drejtorët e tij për shpërdorim detyre dhe korrupsion. Mos e kundërshtoni, lereni të vijojë, ne e shohim çdo ditë, sot është radha e të huajve që e përkedhëlën, e mbajtën, i besuan, por kanë këtë produkt marrine, që shkatërroi një popull të tërë.
Kur Gjermania i ka vënë nëntë kushte, në dy prej të cilave kërkohet dënimi i krimit elektoral e kryer nga bandat e Rilindjes dhe lufta kundër korrupsionit, Rama bën pikërisht të kundërtën: “nuk lëjon ti preket korrupsioni dhe sulet ndaj çdo prokurori apo gjyqtari që i zbulon aferat qeveritare”. Lëreni të vazhdojë, në përgjithësi çdo i çmendur i cili nuk pranon “kurën”, nuk dëgjon çfarë i thonë psikiatrit, psikologët apo negociatorët. Atij i duket veprimi i tij normal, i duhuri dhe bodallallëkun do e çojë deri në fund. Kur nuk ke mundësi për ta izoluar, lëreni të shfaqë veten!
Ai iku, fluturoi drejt Beogradit. Mbajti një takim me Presidentin e tij të dashur Aleksandër Vuçiç dhe kryeministrin maqedonas Zoran Zaev. Fjalë të mëdha tha. Mjafton atë të lesh të llomotisë lirshëm në përroin psiqik, për të treguar kush është në të vërtetë. Dhe në fakt perla nxorri nga goja. Kërcënoi nga Beogradi Europën, duke ia bërë të qartë se nëse nuk na integrojnë, ai do të integrohet në “Ballkan”, në lëvizjen e lirë të njerëzve dhe mallrave, që prodhimet serbe të hyjnë lirshëm në shtëpitë e shqiptarëve dhe popujt e “lumtur” në Serbi, Shqipëri dhe Maqedoni të futen në “familjen e madhe Ballkanike”.
Rama tha se “vendet tona nuk janë një zonë e kategorisë së dytë e Ballkanit, as një fidanishte për të bërë eksperimente në pritje që familja evropinae të jetë gati dhe të na përqafojë e të na ulë në tavolinë. Nuk na ka mbledhur këtu ndonjë kujdestar nga Brukseli, apo nga vende mike jashtë nesh, por nevoja për të rritur ekonominë, ulur papunësinë, luftuar krimin e organizuar, emigracionin e paligjshëm, përmirësuar kushtet e jetesës së gjithë qytetarëve, rritur shpejtësinë e shkëmbimeve dhe garantuar në rajon katër liritë themelore të munguara sot e gjithë ditën”-tha Rama.
Ua sa bukur, Europa tashmë është trembur deri në frikë kolektive pas kërcënimit të tre “superfuqive”, veçanërisht Shqipëria si pararojë e një projekti të madh ballkanik, që do na sjellë begatinë. E sigurt se edhe Europa nuk do reagojë, lëreni të “mençurin” të flasë.