Gazetarja Sonila Meço përmes një postimi në rrjet ka reaguar lidhur me laureimin me çmimin Nobel të shkrimtarit kontrovers austriak, Peter Handke.
Meço shkruan se “në letërsi për këtë vit janë shpallur dy fitues, njëri prej tyre Peter Handke, shkrimtar austriak, mbështetës i flaktë i kasapit të Ballkanit, Sllobodan Millosheviç”.
“Handke është njeriu që mbrojti fort regjimin e Millosheviçit, mohoi masakrën e Srebrenicës, kritikoi ashpër Nato-n për ndërhyrjen ndaj Serbisë dhe ishte folësi kryesor në funeralin e kasapit të fundit të Ballkanit (në foto ai moment).
Disa çmime i janë tërhequr për qëndrimet e tij. Kolegët janë distancuar. Alain Finkielkraut, intelektuali i njohur francez e ka cilësuar “monstër ideologjike”.
E të mendosh se Akademia Suedeze e Nobel-it pat deklaruar pak ditë më parë se nuk do të jepte më çmime të keqorientuara, apo eurocentrike”, vijon Meço.
Nga Sonila Meço
Ende me dritëzën e shpresës për një stinë të re pa fantazma të së shkuarës në Ballkan, të sjell mugëtirën ky lajm nga Akademia Suedeze e çmimeve Nobel.
Në letërsi për këtë vit janë shpallur dy fitues, njëri prej tyre Peter Handke, shkrimtar austriak, mbështetës i flaktë i kasapit të Ballkanit, Sllobodan Millosheviç.
Vetë çmimet Nobel janë kritikuar ashpër nga Handke si ngjarje kulturore. Ai pati kërkuar haptaz mbylljen e Akademisë Suedeze, me një neveri të shprehur për qëllimin e tyre. Por kjo është ana më e parëndësishme e medaljes në gjoksin e e padenjë të një vlerësimi.
Handke është njeriu që mbrojti fort regjimin e Millosheviçit, mohoi masakrën e Srebrenicës, kritikoi ashpër Nato-n për ndërhyrjen ndaj Serbisë dhe ishte folësi kryesor në funeralin e kasapit të fundit të Ballkanit (në foto ai moment).
Disa çmime i janë tërhequr për qëndrimet e tij. Kolegët janë distancuar. Alain Finkielkraut, intelektuali i njohur francez e ka cilësuar “monstër ideologjike”.
E të mendosh se Akademia Suedeze e Nobel-it pat deklaruar pak ditë më parë se nuk do të jepte më çmime të keqorientuara, apo eurocentrike.
Bingo!
Në një kohë kur era e barutit të luftës ende i bën sfond politikës, ndjeshmërive e raporteve të brishta mes vendeve të rajonit.
