Qindra Kurdë që jetojnë në veri të Sirisë, afër kufirit të Turqisë, janë duke u larguar pas sulmeve të fundit.
Duke jetuar në një zonë të kontrolluar nga njësitë mbrojtëse të popullit kurdë, një fuqi mbrojtëse e përbërë më së shumti nga Kurdët, ky grup shpeshherë është objektiv i sulmeve, dhe përsëri ndodhet nën sulm, pasi qeveria Turke ka nisur një operacion për të larguar forcat kurde nga kufiri i tyre.
Ja çfarë duhet të dini për kurdët:
Kush janë ata: Ata janë një grup etnik minoritar, me një popullsi prej 25-30 milion njerëzish. Shumica janë mysliman sunnitë. Ata janë të bashkuar nga një racë, gjuhë dhe kulturë unike.
Ku jetojnë ata: Në fillim të shekullit 20-të, kurdët filluan të punonin drejt krijimit të shtetit të tyre të njohur si Kurdistan. Sot Kurdistani është i përbërë nga territori në 5 shtete të ndryshme: Turqia, Siria,Iraku,Irani dhe Armenia.
Diskriminimi në Turqi: Kurdët kanë pasur vështirësi të ruajnë identitetin e tyre, shpesh referohen në Turqi si “Turq malorë”, ku ata ishin të ndaluar të përdornin veshje tradicionale kurde apo të flisnin gjuhën e tyre. Megjithëse Kurdët janë grupi etnik më i madh në Turqi, duke përbërë rreth 20% të popullsisë, ata nuk njihen si grup minoritar në Turqi dhe janë të shpallur si grupim terrorist
Kurdët dhe SHBA-ja: Forcat kurde ishin një aleat kyç për Shtetet e Bashkuara në luftën kundër ISIS, dhe kjo është një ndër arsyet pse vendimi i Trump për tu tërhequr nga rajoni është pritur me kritika të ashpra në SHBA.
