Surpriza/ David Moyes i gatshëm për tu rikthyer tek Evertoni

David Moyes, është i hapur për të bërë një rikthim të bujshëm si trajner te skuadra e Evertonit.

Sipas gazetës Britanike, ‘’The Mirror’’, ish menaxheri i Man.Utd është i interesuar për të marrë drejtimin e klubit, në qoftë se ai post mbetet vakant.

Trajneri aktual i Evertonit, portugezi Marco Silva, është nën një trysni të madhe pas sezonit të dobët që po kalon skuadra.

LEXO EDHE  Edi Reja: Ja si do të shkojë Shqipëria në Europian

Skuadra angleze e gjen veten të tretën nga fundi, duke fituar vetëm 2 nga 8 ndeshjet në këtë fillim sezoni, duke hapur spekulimet që Moyes po bëhet gati të zëvendësojë Silvan.

Kujtojmë që Moyes e ka drejtuar Evertonin për 11 vite, duke e kthyer në një skuadër tepër të vështirë për tu mundur dhe luante rregullisht në kupat e Europës.