Avokat Spartak Ngjela tha se në SHBA ka nisur procesi penal për pagesën që Edi Rama ka bërë për foton me ish-presidentin Obama. Në studion e lajmeve në RTV Ora, Ngjela tha se për këtë çështje Ramës po i bëhet presion nga ndërkombëtarët.
Ngjela nuk është optimist për reformën në drejtësi, pasi sipas tij ajo do të bëhet bashkë me reformën zgjedhore.
“Mesa kam marrë vesh nga opozitarët e brendshëm, fuqitë e mëdha janë për listat e hapura. Po të dojë Uashingtoni që të bëhen lista të hapura, Rama do ta ndalojë?
E pe sesi ja ngritën proceset penale Bashës në Amerikë kur bënte kryengritjet këtu?
Tani kanë filluar me Ramën për pagimin e fotos me Obamën. Ka filluar proces penal atje. Kjo është politika amerikane.
Unë nuk jam entuziast për reformën elektorale sepse ajo zgjidhet bashkë me reformën në drejtësi.
Zgjedhjet janë në 2021. Do ti bëjë reforma në drejtësi të gjitha. Tani është momenti i politikës që duhen frenuar të korruptuarit. Shenjat janë që po i bëjnë presion Ramës me pagesën që ka bërë për Obamën. Këtë e kemi në favor”, tha Ngjela.
