Trajneri Argjentinas, Lionel Scaloni beson që Lautaro Martinez dhe Paulo Dybala janë e ardhmja e skuadrës kombëtare. Deklarata të bëra këto në prag të ndeshjes miqësore kundër Gjermanisë.
41-vjeçari po përpiqet që të integrojë emra të rinj në skuadër, përpara turneut të “Copa Americas”, e cila do të zhvillohet verën e ardhshme për të dytën herë radhazi, si dhe për startin e kualifikuesve të botërorit 2022, vitin e ardhshëm.
Sulmesit në formë Dybala-Martinez shënuan të dy në derbin e Italisë, Inter-Juventus që u zhvillua ditën e diel, dhe trajneri Scaloni është kurioz për të parë dyshen, të udhëheqin sulmin për kombëtaren.
“Mendoj se ata do të thërriten në skuadër për shumë vite në të ardhmen dhe në këtë ndryshim e rikonstruktim të skuadrës, ata janë të duhurit që të mbajnë flamurin lartë, të udhëheqin me shembull”, i tha Scaloni gazetarëve.
“Ata janë shokë të mirë dhe më e rëndësishmja e ardhmja për këtë fanellë. Ndeshja e fundit e së dielës ishte e mirë për të dy dhe shpresoj që të luajnë mirë së bashku”, shtoi.
Miqësorja e Argjentinës me Gjermaninë është e para nga dy ndeshjet që bardhë kaltrit do t’i zhvillojnë në Europë, pasi të dielën do të përballen edhe me Ekuadorin në stadiumin e Elches në Spanjë, “Martinez Valero”.