Nga Boldnews.al
Është kthyer në telenovelë të frikshme situata në Kadastrën e Vlorës, ku deri më tani janë ngrënë tre koka drejtoresh vetëm brenda një muaji, ndërsa jashtë dhe brenda ambienti ruhet më policë civil, për të shmangur edhe krisjen e ndonjë ndonjë kobureje. Po, deri në këtë pikë ka arritur qeverisja e Rilindjes.
Mafia e pronave në bregdet, me ndikim të drejtëpërdrejtë në qeveri, kërkon të gllabërojë çdo centimetër bregdeti në zona të njohura, për të ndërtuar saraje qeveritare dhe shërbime të tjera ku pihet, kërcehet, mbushen hundët me pluhur të bardhë dhe shuhen epshet e pushtetarëve, të fortëve apo edhe të huajve, me dhe pa status diplomati, që vijnë më shumë për “turizëm seksual”.
Në fillim të muajit shtator drejtori i komanduar i Kadastrës Vlorë, Florian Almadhi dha dorëheqjen pas 5 muajve në detyrë, ndërsa së bashku me të u shkarkuan zëvendësdrejtori dhe tre specialistë juristë të të institucionit. Posti kaloi në drejtimin e Alteo Nazëraj, i cili pa kaluar java dhe dorëheqjen edhe ai.
Nuk u vonua gjatë nga qeveria dhe e gjetën një emër nga radhët e Rilindjes dhe ajo ishte Elona Hodaj, ndërsa nëndrejtor u vendos Krenar Xhemali. Ditën e djeshme që të dy dhanë dorëheqjen dhe motivacioni që japin është “për arsye shëndetësore”. Në fakt, ajo që i “sëmur” këta drejtorë është një dosje që rri në tavolinën e titullarit vetëm për një firmë.
Bëhet fjalë për për një pronë e cila ndodhet në bregdetin e Jalës që është bllokuar për regjistrim më vendim të Gjykatës së Lartë, por në skenë ka dalë Alban Xhillari, një ndërtues pranë kryeministrit i cili kërkon më ngulm regjistrimin e saj dhe nisjen e punimeve për një kompleks turistik.
Sot është emëruar në krye të këtij institucioni Krenar Cenahmeti, ndoshta me premtimin se urdhrin e partisë do e zbatojë, por nuk është aq e lehtë të ndërmerren hapa të tillë, ndaj Rilindja është e vendosur që të gjejë një drejtor që tu bindet urdhrave politik.
Me të drejtë në Vlorë po tuten, pasi shembujt se mund të përfundosh në qeli me praktika dosjesh pronash u dha në Durrës. Në Kadastrën e Durrësit u tundën prangat për drejtorin Liridon Pula dhe ish-drejtorët, të cilët janë shpallur në kërkim. Abuzimi me pronat çoi prokurorinë në lëshimin e urdhër-arresteve, çka më pas u konfirmuan edhe në gjykatë.
Sot Pula është në dhomat e paraburgimit, ndonëse për të u investua në mënyrë publike për ta liruar kryeministri Edi Rama dhe zëvendëskryeministri Erion Braçe. Ai ishte kanakari i tyre, ndryshe nga disa drejtorë të tjerë që nuk pranonin urdhra nga lart për dosje të nxehta që mund tu thonin me dëshirë burgut hapu.
Po aq bujë bëri edhe dorëheqja e drejtoreshës së Përgjithshme të Autoritetit Rrugor Shqiptar Sonila Qato. Ajo pati një konflikt të fortë me Ministren e Infrastrukturës dhe Energjitikës Belinda Balluku, në lidhje me tenderin e tunelit në rrugën Kardhiq-Delvinë. Ministrja kishite kopsitur letrat për të nxjerrë fituese kompaninë “Gjoka sh.p.k”, ndërsa Qato, pas analizës së ofertave, kaloi në vendin e parë një kompani italiane. Pikërisht ky sherr mes grave të Rilindjes do e hante një kokë dhe ajo ishte Qato, e cila u detyrua që të jepte dorëheqjen. Fatkeqësisht edhe këtu grindja nuk ishte për parime dhe zbatueshmëri ligji, por klientële oligarkësh me lidhje direkte me të mëdhenjtë në qeveri.
Në vendin e Qatos u emërua Vasilika Vjero, e cila pas vetëm dy javë punë në këtë institucion, krejt papritur e la këtë post. E njëjta situatë është edhe në Drejtorinë e Përgjithshme të Tatimeve. Enton Duro qëndroi vetëm tre muaj në detyrën e Drejtorit të Përgjithshëm të Tatimeve dhe më pas u shkarkua me urdhër të kreut të qeverisë.
Në vendin e tij është emëruar Delina Ibrahimaj, e cila deri më tani ka dhënë shenja se mund të qëndrojë gjatë në atë post, pasi ka kapur thelbin e “punëve”, që është dalja të televizion me aksione të “hatashme” për çështje kuponësh apo gjoja bllokime të përkohëshme të bizneseve. E gjitha nuk është lëvizje elitash, por formë e pastër abuzimi ku batërdia ka kapur hipotekat, legalizimet, tatimet, drejtorinë e rrugëve apo doganat, çuditërisht vende që kanë para dhe i akuzuar gjithnjë për afera të tmerrshme korruptive.
