Bayern nis negociatat me menaxherin e 100 milionëshit

Menaxheri i Leroy Sane është takuar me përfaqësuesit e Bayern Munich javën e kaluar për të diskutuar një transferim të mundshëm nga Manchester City.

Bayern e kërkoi me çdo kusht sulmuesin anësor gjatë verës, por City refuzoi ofertën 80 milionë euro të gjermanëve. Negociatat nuk vijuan pasi Sane pësoi një dëmtim të rëndë në gju.

Por, Uli Hoeness ka zbuluar se klubi nuk e ka humbur interesin për Sane dhe mund të rifillojë negociatat me menaxherin e tij kur të hapet merkato e dimrit në janar.

LEXO EDHE  Reali në sulm, “çmenduri” për Kante

Bild ka bërë të ditur se menaxheri i Sane, i cili pritet të kthehet në mars nga dëmtimi, ka folur me një të dërguar të Bayern.

Kontrata e 23-vjeçarit me City-n skadon në vitin 2021 dhe vlera e tij në merkato është 100 milionë euro.