Ish-kampioni i Botës me Gjermaninë dhe njëkohësisht legjenda e Bayern Munchen, Bastian Schweinsteiger, ka komunikuar tërheqjen e tij nga futbolli i luajtur në moshën 35-vjeçare.
Pas 3 viteve në Shtetet e Bashkuara të Amerikës ku mbajti veshur fanellën e Chigaco Fire, gjermani vendosi të thotë “stop” dhe lamtumira e tij erdhi menjëherë pas fundit të sezonit të rregullt në MLS.
Lajmin për tërheqjen e nga futbolli e ka komunikuar vetë Schweinsteiger.
Në karrierën e tij 35-vjeçari ka fituar shumë trofe ku spikasin 8 titujt e Bundesligës me Bayernin dhe 7 Kupa të Gjermanisë.
Në 2014-ën, ai fitoi Kupën e Botës me Gjermaninë në Brazil, ndërsa mbajti edhe për dy vite shiritin e kapitenit me pancerat pas tërheqjes së Philip Lahm.
