Ambasadori amerikan në Kosovë, Philip Kosnett ka takuar edhe kryetarin e LDK-së Isa Mustafa së bashku me kandidaten për kryeminsitre të kësaj partie Vjosa Osmanin. Ky takim vjen pas takimit me kryetarin e Lëvizjes VetëVendosje, Albin Kurtin.
Sipas njoftimit nga LDK-ja, gjatë takimit u diskutua për procesin zgjedhor në zgjedhjet e 6 tetorit. Në këto zgjedhje, pas numërimit të votave të rregullta, VV-ja doli e para e LDK-ja e dyta.
“Ambasadori Kosnett ishte i kënaqur me atë se sa mirë shkoi procesi zgjedhor, me daljen e lartë në votime, dhe për faktin se kishte aq shumë përqendrim në çështjet për të cilat shqetësohen votuesit. Ai tha se pret një përqendrim të ripërtërirë në përparim kundër korrupsionit, në ekonomi, dhe në dialog me Serbinë drejtë arritjes së një marrëveshjeje gjithëpërfshirëse që do të sillte stabilitet dhe paqe të qëndrueshme në rajon”, thuhet në njoftimin e LDK-së.
Në këto zgjedhje, pas numërimit të votave të rregullta, VV-ja doli e para e LDK-ja e dyta.
