Nga Ylli Dylgjeri
Po, po stili, rreshti, germa, tingulli, fjala ishin të një dore burri. Nuk ishte stil femre letra e 8-shes. Stili i femrave ministre të Ramës njihet aq sa njihet edhe stili i Ramës kryeministër i ministreve.
Nuk di si do ta përjetojnë burrat gra të Hollandës këtë letër? Jam kurioz! Do paguaja të isha aty, në Amsterdam, ku do të lexohej kjo letër në ditët që vinë.
Nuk dua ta paragjykoj…por një mendje më thotë se estrada shqiptare do japë shfaqe në Hollandë me leximin e saj.
Nëse 8 gratë ministre do të hidhnin vërtetë në letër dhimbjen për këtë vend, të paktën të imitonin me forma të tjera traditën e grave të Sulit.
Shqipëria prap po lihet jashtë Europës. Shqipërisë prap po i dhunohet nderi. Vendi prap është i kërcënuar me izolim. Gratë Ministre janë aty 50% e qeverisjes.
Në një nga betejat e ashpra të vitit 1792, kur Suli u sulmua nga forca të shumta të Ali Pashës, disa gra suljote, duke parë rrezikun që i kërcënonte armiku i tyre, rrëmbyen armët. Gruaja suliote, ashtu si të gjitha gratë shqiptare, i jepnin rëndësi të madhe nocionit “nder”.
Në emër të tij, ato ishin gati të sakrifikonin edhe jetën e tyre. Gratë suliote preferuan vetëflijimin e tyre. Ato zgjodhën më mirë një vdekje të ndershme, që të shpëtonin nga një jetë prej skllave, që i priste, po të binin në duart e forcave të Ali Pashait.
Po sot?
Të besojmë se rrëmbyen lapsin e bënë letër për burrat në Hollandë? Qesharake.
Të pakten ministret të hidheshin nga karriget ku i ka vënë burri letërshkrues. Të jepnin doreheqje! Por, edhe këte se bënë…
Mos i besoni o hollandezë! Është lojë buri.
