Ka përfunduar diskutimi në Parlamentin holandez për hapjen e negociatave për Shqipërinë dhe Maqedoninë e Veriut.
Holanda ka vendosur veton për mos hapjen e negociatave për Shqipërinë.
Qëndrimi i Parlamentit holandez mbetet i pandryshuar, sikundër në muajin qershor.
Qeveria holandeze ka konfirmuar kështu mbajtjen në fuqi të mocionit të Parlamentit kundër hapjes së negociatave të anëtarësimit me Shqipërinë të aprovuar në Qershor të këtij viti.
Çfarë u vendos në qershor nga Parlamenti holandez?
Në muajin qershor, Parlamenti holandez, pasi dëgjoi një raport të qeverisë së saj, vendosi se Shqipëria nuk po arrin rezultate të prekshme në luftën kundër korrupsionit dhe krimit të organizuar. Po kështu Parlamenti holandez vërente pak muaj më parë se se në bazë të këtij raportit të progresit mund të vërtetohet se Shqipëria nuk i plotëson kushtet e vendosura, Parlamenti i bën thirrje qeverisë holandeze të mos pajtohet me propozimin e Komisionit për fillimin e negociatave për pranimin në BE.
Gjykata Kushtetuese në Shqipëri nuk është një institucion funksional, pushtetin e saj e ka marrë qeveria.
“Reformat shqiptare janë të pakthyeshme, gjë që duhet të ofrojë bazë për hapjen e negociatave, por nuk ka asnjë vendim lidhur me pranimin e Shqipërisë në BE në këtë fazë.
Vendimi ka të bëjë me hapjen e negociatave, të cilat patjetër do të kërkojnë shumë vite dhe anëtarësimi do të merret parasysh vetëm kur janë plotësuar të gjitha kërkesat për anëtarësimin në BE”.
Reformat shqiptare janë të pakthyeshme, gjë që duhet të ofrojë bazë për hapjen e negociatave. Në diskutime u theksua në mënyrë të përsëritur se asnjë vendim nuk është bërë lidhur me pranimin e Shqipërisë në BE në këtë fazë.
Vendimi ka të bëjë me hapjen e negociatave, të cilat patjetër do të kërkojnë shumë vite dhe anëtarësimi do të merret parasysh vetëm kur janë plotësuar të gjitha kërkesat për anëtarësimin në BE.
Kuadri i rreptë i negociatave për anëtarësim i ofron Shqipërisë mjetet dhe presionin e jashtëm të nevojshëm për të zhvilluar më tej sundimin demokratik të shtetit.
Hyrja në BE mund të jetë pika përfundimtare e këtij procesi, por kjo nuk duhet domosdoshmërisht të jetë kështu.
Por disa deputetë, ngritën argumentin gjeopolitik: perspektiva e anëtarësimit të Shqipërisë në BE sjell stabilitet në rajon, argumentojnë folësit, dhe është në interes të BE-së, veçanërisht pasi fuqitë e huaja si Kina dhe Turqia dëshirojnë të rrisin ndikimin e tyre në Shqipëria dhe, me të, Evropa Juglindore. Në të njëjtën kohë, u theksua se popullsia shqiptare po shikon drejt BE-së.
Gjithashtu u tha se nëse perspektiva e anëtarësimit në BE shtyhet vazhdimisht, kjo krijon përshtypjen se BE nuk e dëshiron Shqipërinë.
Deklaratat e ministrit të Jashtëm
Ministri i Punëve të Jashtme të Holandës, Stef Blok ka deklaruar se qeveria holandeze konsideron se nuk duhen hapur negociatat e anëtarësimit në Bashkimin Europian me Shqipërinë.
Këtë deklaratë ai ka bërë në komisionin parlamentar për çështjet europiane të Parlamentit holandez, i pyetur nga deputetë, nëse duheshin hapur negociatat e anëtarësimit me Shqipërinë ose jo.
Blok nuk e ka shtjelluar përgjigjen e tij, duke lenë të paqartë nëse Holanda do të vendosë veton për Shqipërinë në takimin e ministrave të Punëve të Jashtme në 15 Tetor apo samitin e liderëve europianë në 18 Tetor.
