Gjykata e Apelit për Krime të Rënda ka lënë në arrest në burg shtetasin Ardian Bega, arrestuar menjëherë pas operacionit të kryer në portin e Durrësit për kapjen e një sasie droge prej 137 kg kokainë dhe pritësve të saj.
Në këtë mënyrë apeli konfirmoi vendimin e shkallës së parë të po kësaj gjykate, e cila kishte vendosur burg për Begën.
Në fakt në Durrës u kap vetë oriz, sepse kokaina ishte bllokuar që në portin e Pireut, aty ku nisi edhe operacioni i përbashkët me policinë Greke, Dea-n Amerikane dhe Prokurorinë e Krimeve të Rënda.
Qëllimi ishte arrestimi i pritësve të sasisë së drogës. Për këtë ngjarje është në kërkim edhe Gentian Malindi, biznesmeni, i cili dyshohet se ka qenë në dijeni të trafikut dhe po priste mallin.
Droga vinte nga Ekuadori dhe kishte si destinacion Shqipërinë.
