Karriera politike e Vjosës filloi që në vitet e adoleshencës, ku ajo ishte e angazhuar prej vitesh me LDK-në. Për t’u zgjedhur më pas deputete me një numër rekord votash.
Kandidatja e parë grua për të drejtuar qeverinë e Kosovës, Vjosa Osmani përfaqësoi Lëvizjen Demokratike në zgjedhjet e 6 tetorit.
Me një fushatë të mbushur me energji, Vjosa fitoi më shumë 190 mijë vota nga qytetarë që besuan se ajo mund të bënte histori. Por mbështetja nuk është rastësore pasi Vjosa Osmani është deputete e Kuvendit të Kosovës prej tri mandatesh, dy të fundit ishte gruaja më më e votuar në historinë e Kuvendit të Kosovës.
Po kush është Vjosa Osmani?
Vjosa Osmani – Sadriu u lind më 17 maj të vitit 1982, në qytetin e Mitrovicës, Kosovë.E diplomuar në Universitetin e Pitsburgut në SHBA, juristja nga Mitrovica është një ‘partizane’ e fortë për mbrojtjen e territorit të Kosovës. Flet shkëlqyer gjuhë të huaja si anglisht, turqisht, spanjisht dhe serbisht
Edhe pse nëna e dy binjakeve, Osmani është profesoreshë në Universitetin e Prishtinës, në R.I.T Kosovo dhe në Universitetin e Pitsburgut, në SHBA.
Karriera politike e Vjosës filloi që në vitet e adoleshencës, ku ajo ishte e angazhuar prej vitesh me LDK-në. Më 27 gusht të vitit 2009, Vjosa Osmani – Sadriu u zgjodh shefe e stafit të Presidentit të atëherëshëm të Republikës së Kosovës, Fatmir Sejdiut.
Për t’u zgjedhur më pas deputete për tre mandate, me një numër rekord qytetarësh që i besonin asaj.
Ajo njihet për kontributin e saj të dhënë për pavarësimin e Kosovës, në Gjykatën Ndërkombëtare të Drejtësisë (GJND). Në atë kohë Vjosa ishte pjesë e palës kosovare në mbrojtjen e ligjshmërisë së pavarësisë së Kosovës, rast i cili u fitua me një kundërshtar si Serbia.
Gjithë çfarë ka mbetur tani është që Vjosa të pranojë propozimin e Albin Kurtit për të krijuar koalicionin e tyre dhe për të shënuar histori në politikë.
