Lionel Messi në mbrëmjen e djeshme arriti të thyejë një tjetër rekord. Sulmuesi Argjentinas arriti të shënojë në minutën e 78 të takimit me anë të një goditjeje dënimi.
Me këtë gol ai arriti në kuotën e 420 golave në La Liga duke thyer rekordin prej 419 golave të shënuar nga Cristiano Ronaldo në 5 ligat më të forta në Europë. Portugezi i ka shënuar këto gola ne Premier League, La Liga dhe Seria A.
Pavarësisht se e mbylli ndeshjen me 9 lojtarë, Barcelona shkatërroi Sevilla me rezultatin 4-0 duke ndjekur Realin e Madridit e cila ndodhet në vendin e parë me 2 pikë më shumë në rënditje.
Vendasit shënuan 3 gola në vetëm 8 minuta në pjesën e parë, i pari një veprim akrobatik i Luis Suarez, ndërsa Messi siguroi ndeshjen në minutat e fundit të takimit.
