Ish-zv.kryeministri Niko Peleshi, deputet i PS-së, tha se zgjedhjet në Kosovë janë një leksion demokracie për rajonin. Peleshi shkruan se VetVendosja e Albin Kurtit na tregoi forcën çudibërëse të këmbënguljes mbi parime e ide, ndërsa LDK me 37 vjeçaren Vjosa Osmani dëshmoi fuqi emancipuese siç i takon një partie të themeluar nga Ibrahim Rugova.
Postimi nga Niko Peleshi
Bravo KOSOVA!
Kosova tregoi se standartet e larta demokratike nuk janë të rezervuara vetëm për demokracitë e vjetra. Vitaliteti dhe ambicja e Kosovës për të spikatur, si për të treguar se meriton më shumë, po e ngjitin shpejt në klasifikimet ndërkombëtare në sport, art, kulturë dhe tani edhe në demokraci.
VetVendosja e Albin Kurtit na tregoi forcën çudibërëse të këmbënguljes mbi parime e ide.
LDK me 37 vjeçaren Vjosa Osmani dëshmoi fuqi emancipuese siç i takon një partie të themeluar nga Ibrahim Rugova.
Kur kishin kaluar vetëm 3-4 orë nga mbyllja e kutive e ishin numëruar 74% e votave, kryetari i partisë në pushtet prej 12 vjetësh, ndonëse partia e tij PDK ishte vetëm 4% larg nga forca e vendit të parë, pranoi humbjen dhe deklaroi daljen ne opozitë.
Një leksion demokracie për rajonin.
Një fillim i ri për Kosovën.
Bravo Kosova!
