Policia britanike ka publikuar foton e dy personave që dyshohet se janë të përfshirë në vrasjen e një ish-ushtaraku kurd. Sipas policisë vendase, të kërkuarit besohet se janë shqiptarë.
Pas publikimit të fotove, një qendër bamirësie ka ofruar 10.000 euro shpërblim për këdo që ka informon mbi vendndodhjen e të akuzuarve. “Të gjithë kanë të drejtë të ndjehen të sigurt kudo ku jetojnë. Mund të jetë që ju shqetësoheni kur flisni drejtpërdrejt me autoritetet dhe megjithatë keni informacione të rëndësishme. Më lejoni t’ju siguroj se gjatë 31 viteve të fundit qendra jonë ka mbajtur gjithmonë premtimin e saj, 100% anonimitet për të gjithë ata që na kanë besuar”, citohet nga mediat lokale Ruth McNee, menaxheri i qendrës së bamirësisë “Charity Crimestoppers”.
Hamawand Ali Hussain, babai i dy fëmijëve u gjet i vrarë në taracën e një ndërtese në Hartlepool, Angli, më 15 shtator. Hamawand Ali Hussain shërbeu me forcat ushtarake Peshmerga në Irakun e Veriut, duke luftuar kundër ISIS.
Ai raportohet se ishte një snajper i aftë kurd dhe u bashkua me vijën e parë në betejën kundër grupit militant të Shtetit Islamik.
Hamawand me origjinë nga Kurdistani, u transferua në Mbretërinë e Bashkuar disa vjet më parë, më familjen. /BN/
Fotot e të dyshuarve
