Dëshmitari i rremë i Rilindjes, Fred Alizoti, i dënuar 4 herë për vjedhje me dhunë e krime të tjera

Nga Boldnews.al

Fredi Alizoti, njeriu që Policia dhe Prokuroria nën shërbim të Fatmir Xhafaj, e sajuan si “dëshmitar të rremë” për të mbrojtur Agron (Geron) Xhafaj nga akuzat për trafik narkotikësh, është një person me biografi të pasur kriminale.

Boldnews.al” ka siguruar 4 vendime gjyqësore, në kohë të ndryshme, të cilat dëshmojnë se ish-ministri i Brendshëm dhe një prej njerëzve me më shumë pushtet politik në Shqipëri, ka varur shpresat për mbrojtjen e imazhit të tij tek një kriminel recidivist, siç e përcakton edhe gjykata.

Fredi Alizoti është njohur shumë herët me prangat e policisë dhe qelitë e burgut. Në vitin 1991, kur ishte 19 vjeç, ai është arrestuar për veprën penale të “kalimit të paligjshëm të kufirit”.

Për shkak të moshës së re dhe faktit që kjo vepër penale kishte zbutur efektet e saj si pasojë ndryshimeve politike, Alizoti dënohet vetëm me 3 muaj punë të detyruar, si edhe me zbritje nga paga.

Pasi “theu akullin” e marrëdhënieve me prangat, Alizoti rikthehet sërish në qeli, pas 10 viteve, tashmë më i pjekur në moshë dhe më i kultivuar në aktivitet kriminal.

Në Shkurt 2001, Fredi Alizoti dënohet me 4 muaj burgim, për veprën penale të “mbajtjes pa leje të armëve luftarake dhe të ftohta”. Sipas gjykatës, “dëshmitari i rremë” Alizoti dhe një miku i tij, kishin shkuar në një lokal në Fier dhe ishin konfliktuar me pronarët e barit.

Pas konfliktit, Alizoti dhe kolegu i tij në krim, ishin larguar, për t’u kthyer pak minuta më pas, por kësaj radhe të armatosur. Alizoti kishte dy armë në dorë, një automatik, që ia jep mikut të tij dhe një thikë që e mban vetë.

LEXO EDHE  Përplasje e fortë në studio/ Kryemadhi ia thotë në sy Vasilit dhe Dudushit: I bëni qoka Ramës

Në momentin që dy kriminelët po tentonin të ushtronin agresion ndaj pronarëve të lokalit, arrestohen nga policia. Dy të pandehurit u justifikuan para gjykatës se ishin të dehur.

Në vitin 2013, “dëshmitari i rremë” i Geron Xhafajt, Fredi Alizoti arrestohet për vjedhje me dhunë. Ai dhe një miku i tij “i armëve” i rrëmbejnë një taksisti, nën kërcënim, automjetin e tij, ngjarje e ndodhur në periferi të Fierit.

Për këtë ngjarje, Alizoti dënohet me 8 vjet burgim. Ai e ankimon vendimin dhe Gjykata e Lartë, e cila e rikthen për shqyrtim në shkallën e parë. Në përfundim, ai dënohet me 6 vjet burgim, me vendimin e gjykatës së Fierit të datës 16 janar 2004.

I mësuar tashmë me burgun, “mbrojtësi i imazhit të Fatmir Xhafajt”, Fredi Alizoti duket se nuk e ka problem të vjedhë çfarë t’i dalë përpara.

Në vitin 2015, ai arresohet sërish, pasi, në një pikë lotoje, pranë një karburanti në Fier, thyen xhamat e godinës dhe rrëmben dy televizorë.

Ai kapet në flagrancë nga Policia duke kaluar një mur, por, gjatë gjykimit, për çudinë më të madhe, mohoi autorësinë e vjedhjes. Natyrisht, kundërshtimi i tij nuk u mor aspak parasysh nga gjykata, e cila kishte të gjitha provat se hajduti serial, Alizoti, ishte kapur me dy televizorët në duar.

Për këtë rast, gjykata e Fierit e dënon Alizotin e Geron Xhafajt me dy vjet burgim, duke e konsideruar si në një “recidivist (përsëritës) të cilësuar, me rrezikshmëri të lartë shoqërore”.

Pas kësaj karriere “brilante” kriminale, Fredi Alizoti, që njeh vetëm dyert e burgut, tashmë paraqitet si njeriu që do të heqë njollën e Agron (Geron) Xhafajt dhe vëllait të tij, Fatmir Xhafaj.