Një shqiptar ka humbur jetën në një aksident të ndodhur orët e para të mëngjesit të kësaj të shtune, raportuan mediat italiane.
Sipas të njëjtave burime, ora shënonte rreth 4:30, kur një makinë tip “Mercedes” përplaset me një pemë në komunën Castelfranco Emilia, pjesë e provincës së Modenas. Për drejtuesin e mjetit, një 30-vjeçar shqiptar, impakti rezultoi fatal për jetën. Ndërsa dy pasagjerët që ndodheshin në mjet, kanë marrë lëndime të lehta.
Mbetet e paqartë se çfarë e ka shkaktuar aksidentin. Dyshimet paraprake janë se shqiptari, identiteti i të cikur nuk bëhet i ditur deri më tani nga raportimet e mediave italiane, është përplasur me pemën pasi ka humbur kontrollin e makinës për arsye që mbeten për tu zbardhur nga hetimet.
/BN/
