Një shqiptar është arrestuar në Greqi, pasi është kapur me heroinë, raportuan këtë të premte mediat greke.
30-vjeçari shqiptar, identiteti i të cilit nuk bëhet i ditur, është arrestuar gjatë operacionit për goditjen e trafikut të heroinës. Policia greke ka ndaluar automjetin me të cilin udhëtonte në Larisa. Brenda makinës, me ndihmën e qenit nuhatës u gjetën dhe u sekuestruan 12 pako me 6 kg e 218 gramë heroinë, 201 gram kokainë , një sasi e vogël marijuane, 2 pistoleta 9 mm, 5 fishekë dhe 700 euro të fshehura në airbagun e pasagjerit. Ndërsa në kroskotin e makinës u gjetën 110 euro dhe 2 celularë. Mësohet se personi i arrestuar është person me precedentë të mëparshëm penalë.
Airbag-u ku ishte fshehur sasia narkotike, hapej vetëm me anë të një butoni.
Në shtypin grek është raportuar se një sasi e konsiderueshme droge e destinuar për tu trafikuar në Turqi, është nisur nga Vlora.
“Gomonet me 2.5 ton kanabis u nisën nga Vlora”/ Detajet e aksionit
