Ish-ministri i Brendshëm, Saimir Tahiri ka ankimuar vendimin e Gjykatës së Krimeve të Rënda që e dënoi me 3 vite shërbim prove.
Tahiri u akuza për veprat penale “trafikim i narkotikëve” në bashkëpunim në formën e grupit të strukturuar kriminal, “kryerja e veprave penale nga organizata kriminale”, “grup i strukturuar kriminal”. Asnjë nga këto akuza nuk u pranua nga Gjykata, e cila e shpalli fajtor për “shpërdorim detyre” duke e dënuar 5 vite burgim. Duke qenë se procesi u zhvillua me gjykim të shkurtuar, vendimi përfundimtar ishte 3 vite burgim që u konvertua në 3.5 vite shërbim prove.
Që pas daljes nga gjykata, Tahiri paralajmëroi ankim të vendimit.
Një ditë më parë, vendimin e Krimeve të Rënda të marrë në të njëjtën seancë, e ankimoi edhe ish-drejtori i Policisë së Vlorës Jaeld Çela, ndaj të cilit rëndonin të njëjtat akuza si Tahiri. Ky i fundit u dënua me 3.5 vite burgim për shpërdorim detyre. Të dy sipas prokurorisë, kanë bashkëpunuar me Habilajt në trafikun e drogës.
