Kryeministri Edi Rama komunikoi dje pas vendimit të Këshillit të Ministrave se janë shkarkuar dy anëtarë të këshillit drejtues të Fondit Shqiptar për Zhvillimin.
Është shkarkuar Elton Haxhi, si përfaqësues nga ministria përgjegjëse për financat dhe u zëvendësua nga Dajna Sorensen. Gjithashtu u shkarkua dhe Andris Stastoli, si përfaqësues nga ministria përgjegjëse për punët e jashtme dhe u zëvendësua nga Mira Hoxha.
Këto ndryshime kanë ardhur me propozim të ministrit të Shtetit për Diasporën, Pandeli Majko.
Dajna Sorensen, është caktuar edhe në pozicionin e kryetarit të Këshillit Drejtues të Fondit Shqiptar për Zhvillimin e Diasporës.
Sorensen është shqiptare e martuar me një qytetar danez. Jeton në Shqipëri. Ka një karrierë të gjatë në Kombet e Bashkuara dhe është arsimuar në Kanada dhe Uashington.
