Në fjalën e tij në parlament kryeministri Rama tha se Shqipëria ka plotësuar kushtet për çeljen e negociatave porse problemi i brendshëm i BE-së sjell zvarritjet e procesit.
Duke iu referuar një prej reformave më të diskutuara në vend, Vettingut në drejtësi, Rama foli dhe për një prokuror në Durrës pa dhënë emër që është i lidhur me bandat dhe i bën presion edhe administratës shtetërore.
Ndërkohë duke nënkutpuar rastet e prokurorëve dhe gjyqtarëve që ‘notojnë’ mbi para dhe shpenzojnë shifra marramendëse për luks dhe bixhoz, duket se kryeministri Rama ka harruar se në po të njëjtin ‘thes’ që ka futur sistemin e drejtësisë ka edhe ish-ministrin e tij Damian Gjiknuri, i cili është fotografuar jo rrallë herë në kazinotë më të mëdha në botë.
“Sa kohë kam që e them, këto kanë vënë pasuri marramendëse. Me çfarë i bërë zotrote, faturat e bixhozit në Monte Karlo. Nuk është pushim nga puna vetting por do të hetohet. Sot është prokuror dhe punon për organizatat kriminale dhe u bën shantazh nënpunëzve të shtetit. Nuk arreston qeveria, arreston drejtësia dhe procesi I një drejtësie që arretson është ky që po bëjmë“, tha Rama.
