Deputeti Lefter Maliqi, duke komentuar situatën e rëndë që po kalon vendi, për shkak të krimit, dhe drogës fajësoi rilindjen dhe kryeministrin Edi Rama.
I ftuar në Ora News, Maliqi deklaroi se në rast se Policia dhe strukturat e tjera do të kishin vullnet të luftonin krimin, në Shqipëri nuk do të kishte më kriminelë.
Ai tha se Rama premtoi se brenda 300 ditëve do rivendoste rendin, por bëri të kundërtën, mbolli krim dhe burgosi fukarenjtë.
‘Ai premtoi që brenda 300 ditëve do rivendoste rendin, por çfarë ndodhi. U mboll drogë, plasi tritoli dhe futi në burg fukarenjtë që nuk kishin lek të paguanin energjinë elektrike’, tha Maliqi.
