Replika mes kryeministrit Edi Rama dhe deputetit Kujtim Gjuzi gjatë seancës së sotme plenare.
Teksa fliste kreu i qeverisë, Gjuzi ndërhyri nga vendi. Në replikë, Rama i tha “Ti je mbret, por s’ke mbretëri”.
Gjuzi vijoi të realizonte nga vendi, deklaratat e të cilit nuk u dëgjuan për shkak se foli pa mikrofon, ndërsa Rama ia ktheu: “Ti je mbret lartmadhëri, uluni se je në Republikë”.
“Dallimi mes teje dhe meje është që ti ke jetuar që në kohën e luftës parë botërore unë në 1964, mos më fut në terrenin e luftërave se je kompetent”, u drejtua Gjuzit-Rama, në një tjetër moment.
“Një mbreti në parlament i lejohet shkelja e rregullores, aq më tepër kur është një mbret pa mbretëri”, iu përgjigj Rama paralajmërimit të kryeparlamentarit Ruçi për Gjuzin për të pasur kujdes se po shkel rregulloren e Kuvendit.
Pas përfundimit të fjalës së Ramës, Gjuzi kërkoi të fliste nga foltorja, por Ruçi nuk e lejoi: “Ulu poshtë, se të nxora jashtë”, e paralajmëroi në mënyrë të përsëritur Ruçi-deputetin, i cili në fund u bind.
