“Nuk kam konflikte me asnjë person dhe kjo gjë nuk më shqetëson,”– mësohet të ketë thënë shënjestra e tritolit.
Objektivi i autorëve që shpërthyen në tritol banesën në Fushë Krujë ishte Arben Pëllumbi. Ky i fundit është pronari i shtëpisë që iu vendos lënda eksplozive, por që fatmirësisht në ato momente nuk ndodhej në banesë.
Pëllumbi, 40-vjeç është me orgjinë nga Malësia e Krujës dhe prej vitesh është vendosur në Fushë Krujë, në banesën që siç shihet edhe në video ka pësuar dëme nga lënda plasëse. Burime për Dosja.al bëjnë me dije se 40-vjeçari ka rrëfyer se nuk ka konflikte me asnjë person.
Ngjarja ka ndodhur një natë më parë, ku një sasi eksplozivi ka shpërthyer një banesë në Fushë-Krujë, në fshatin Halil. Shpërthimi ka ndodhur gjatë natës në oborrin e 40-vjeçarit me iniciale A.P. dhe raportohet se nuk ka të lënduar, por vetëm dëme meteriale.
