I ftuar në Ora News, ish-kryeministri Berisha, tha se Edi Rama gënjeu kur tha se Merkel vendosi veton për t’i hapur negociata Shqipërisë.
Berisha tha se është e kundërta, Bundestag i hapi negociata për Maqedoninë, për Shqipërinë shtoi dhe dy kushte të reja.
‘Opozita i vendos këto kushte sepse po kupton që ky po i bllokon çdo rrugë shqiptarëve. Edi Ramën të gjithë e njohin si një brigand. Merkel nuk ja ka dhënë negociata, janë gënjeshtrat e tij, kështu gënjeu ky dhe në 2016-n. Sot tha që ishte Merkeli që vuri veton që mos veçohet Shqipëria nga Maqedonia, por Maqedonisë Bundestagu i tha që të hapen negociatat pa kushte, kurse Shqipërisë i vuri dy kushte të reja shtesë, kujt ja shet ky këto. Ky ka një veti të krijojë një realitet që nuk e shohim kurrkund’, deklaroi Berisha.
