800 punëtorë të rafinerisë së Ballshit kanë hyrë në ditën e 3 të protestës, për shkak të mungesës së naftës bruto dhe pezullimi i punës, që ka lënë pa të ardhura punëtorët.
Punonjësit të cilët me këto të ardhura mbajnë familjet e tyre, kërkojnë nga qeveria të mbajë premtimin dhe të shfuqizojë ligjin për eksportin e naftës bruto.
“Arsyeja që kemi dale në protestë është mungesa e naftës bruto dhe pezullimi i punës. Ne i kërkojmë parlamentit shqiptar shfuqizimin e ligjit për eksportin e naftës bruto. Kërkojmë që përpunimi i naftës bruto të bëhet në vend siç është premtuar nga kryeministri i vendit, Edi Rama. Ky kombinat prodhon një sere produktesh, nga nafta e cilësisë së parë, deri tek oksigjeni për spitalet. Është një rrënim i madh, jo vetëm për 800 familjet që punojnë këtu, por për gjithë ekonominë e vendit.” ka thënë për një nga protestueset.
Më tej ajo shtoi se punëtorët nuk kanë ansjë problem me kompaninë për të cilën punojnë sepse ka qenë gjithmonë e rregullt me ta dhe i ka shpërblyer për punën e bërë.
“Kompania na ka deklaruar se kompanitë naftënxjerrëse nuk i japin naftë. Arsyeja pse, u takon strukturave ta gjejnë” është shprehur punëtorja.
