Deputeti Lefter Maliqi duke folur në ‘Repolitix’, deklaroi se sot Rilindja dhe Edi Rama nuk e kanë mbështetjen e socialistëve të ndershëm. Ai tha se sot Pandeli Majko nuk shfaqet më, pasi është rrethuar nga ‘G99-at’ dhe ‘Mjaft-istët’.
Sipas Maliqit asnjë shqiptar i ndershëm dhe socialist nuk beson më tek Rama, pasi ai është bërë i pabesueshëm.
‘Jam dakord edhe me Ndokën po dhe me Koçin. Unë i njoh mirë socialistë, dhe kam thënë që Rilindja nuk ka lidhje me socialistët. Edhe Majko ka humbur se nuk duron dot rilindasit. Unë i takoj shpesh socialistët dhe ata janë shumë të zhgënjyer, ndaj them që rilindasit janë të humbur. Unë i njoh mirë zotin Rama, zotin Berisha, zotin Meta dhe zotin Basha. Sali berisha kishte autoritetin por kishte dhe tolerancën me opozitën, kurse tek Rama shikoj se ai është frikacak dhe nuk toleron. Ai gëzohet kur shikon artistët tek Teatri, gëzohet që i shpërndau studentët, gëzohet me opozitën kur i lodh me gaz lotsjellës. Ai është i pabesueshëm, edhe me marrëveshjen ka diçka që Basha ëhstë i zhgënjyer. Ai dha PD-së Ministrinë e Brendshëm, por nuk i dha Drejtorin e Përgjithshëm. Unë kam qenë kritik edhe ndaj PD, por ajo dyfishoi rrogat dhe pensionet, ndërtoi rrugë, kurse me këta nuk kam parë asgjë, ai edhe kryetarët e Bashkive i ka kthyer në drejtorë komunalesh’, tha Maliqi.