Një sasi kokaine e pastër prej 617 kilogramë është sekuestruar nga policia e Brazilit, ndërsa destinacioni i saj ishte Evropa.
Në pakot e drogës që ishin futur në një kabinë të dyfishtë të një kamioni ishte shkruar “FK Elbasani”, çka shton dyshimet se kjo sasi droge mund të kishte për destinacion final qytetin e Elbasanit.
Por mediat braziliane, raportojnë se destinacioni i lëndës narkotike ishte Belgjika.
Sasia e drogës, vlera në treg e së cilës arrin në 9 milionë dollarë u gjet në një kamion që transportonte dele, ndërsa ecte në një rrugë rurale.
Policia arrestoi katër persona.
Policia mundi të bjerë në gjurmët e katër trafikantëve pas informacioneve në rrugë operative.
Katër të arrestuarit, mes të cilëve dhe një grua, udhëtonin me dy automjete tip fiat dhe shoqëronin kamionin janë tashmë të akuzuar për sasinë e madhe të drogës së sekuestruar.
Njëri prej të arrestuarve, shoferi i kamionit ka treguar se ai do të merrte 10.000 dollarë për transportin e drogës.
Nuk dihet sepse pakot me drogë kishin logon e “FK Elbasanit”, çka shton misterin nëse droga do të kishte ose jo destinacion Shqipërinë.
