Këtë mëngjes, fshati Nafangao në Taiwan-in jugor është tronditur rëndë pasi ura 450 ton është shembur dhe ka rënë mbi varkat e peshkatarëve.
Në video tregohet qartë sesi ura ka filluar të kënutet dhe të bjerë ndërkohë që mbi të po kalonte një autocisternë nafte.
Të paktën 14 persona janë lënduar. Ndërkohë një helikopter, palombarët dhe 60 forca militare po bëjnë të pamundurën për të shpëtuar njerëzit që mund të kenë ngecur nën rrënojat e urës.
Shkëputja e urës ka ndodhur disa orë pasi një tufan ka përfshirë ishullin, por policia nuk ka dhënë detaje nëse era e fortë ka ndikuar në shembjen e urës apo jo.
