Bilanc tragjik pas sherrit mes dy vëllezërve në Xibër të Dibrës. Tre persona kane mbetur te vdekur, konfirmuan burime zyrtare nga policia lokale.
Siç njofton policia, “rreth orës 14.24, në rrethana ende të paqarta, shtetasi Sali Dakuçi, 53 vjeç, ka vrarë me armë zjarri vëllanë, shtetasin Kujtim Dakuçi, 52 vjeç, dhe djalin e këtij të fundit, Flodet Dakuçin, 20 vjeç. Më pas, Sali Dakuçi ka vrarë veten”. Dyshohet se dy vëllezërit fillimisht janë konfliktuar verbalisht, e më tej sherri ka degraduar në përdorimin e armës së zjarrit nga Sali Dakuçi.
“Grupi hetimor ka shkuar në vendngjarje dhe po punon për zbardhjen e plotë të ngjarjes”, njoftoi policia.
Dyshohet se ngjarja ka ndodhur për konflikte pronësie.
