Ish-ministri i Bujqësisë, Edmond Panariti ka ngritur shqetësimin se qeveria shqiptare ka thyer ligjin mbi sigurinë ushqimore.
Sipas Panaritit, identifikimi i ndotësve kimikë dhe agjenteve patogjene në ushqime nuk mund t’i delegohet privatit, pasi sipas kushtetutës është shteti që përgjigjet për sigurinë dhe mirëqenien e shtetasve të tij.
“Siguria ushqimore eshte siguri Kombetare! Ashtu si laboratori qendror i kriminalistikes apo organet investigative kombetare nuk mund ti besohen privatit, po ashtu edhe zbulimi, identifikimi dhe vleresimi ndotësve kimike, radioaktive dhe agjenteve patogjene ne ushqime nuk mundet tu “delegohen” të treteve. Sepse keta ndotes, jane agjente te demtimit ne mase dhe sipas kushtetutes shteti pergjigjet per sigurinë dhe mireqenien e shtetasve te tij.. dhe jo Privati. Ky ka qenë dhe mbetet parimi mbi te cilin Bashkimi Evropian, investoi me dhjetëra miliona euro ne ngritjen e rrjeteve laboratorike qendrore (ISUV) dhe ato private laboratoret rajonale. Ketij i sherben edhe projekti prej 5 milion euro i sigurisë ushqimore i financuar nga BE. Nese qeveria ndryshon kurs dhe vendos qe monitorimin zyrtar të ndotesve tja u kaloje privateve, separi thyen ligjin mbi ushqimin dhe se dyti duhet ti ktheje pas Bashkimit Evropian, milionat e eurove qe u harxhuan dhe qe po harxhohen ende qe ushqimi dhe siguria e tij te mbeten sovranitet shtetëror”, shkruan Panariti në rrjetet sociale.
